నా రాతలు

మే 28, 2006

జయభేరి – {మహా ప్రస్థానం – శ్రీ శ్రీ}

Filed under: శ్రీ శ్రీ — by Sykam Raju (సైకం రాజు) @ 3:50 సా.

నేను సైతం

ప్రపంచాగ్ని కి

సమిధనొక్కటి ఆహుతిచ్చాను!

నేను సైతం

విశ్వ వ్~ఱుష్టికి

అశ్రువొక్కటి ధారపోశాను!

నెను సైతం

భువన ఘోషకు

వెర్రి గొంతుక విచ్చి మ్రోశాను.

ఎండ కాలం మండినప్పుడు

గబ్బిలం వలె

క్రాగి పోలేదా!

వాన కాలం ముసరి రాగా

నిలువు నిలువున

నీరు కాలేదా?

శీత కాలం కోత పెట్టగ

కొరడు కట్టీ,

ఆకలేసీ కేక లేశానే!

నే నొకణ్ణే

నిల్చిపోతే-

చండ్రగాడ్పులు, వాన మబ్బులు, మంచు సోనలు

భూమి మీదా

భుగ్న మౌతాయి!

నింగి నుండీ తొంగీ చూసే

రంగు రంగుల చుక్కలన్నీ

రాలి, నెత్తురు క్రక్కుకుంటూ

పేలిపోతాయి!

పగళ్ళన్నీ పగిలిపోయీ,

నిశీధాలూ విశీర్ణిల్లీ,

మహా ప్రళయం జగం నిండా

ప్రగల్భిస్తుంది!

నే నొక్కణ్ణి ధాత్రినిండా

నిండి పోయీ,

నా కుహూరత శీకరాలే

లోకమంతా జల్లులాడే

ఆ ముహుర్తా లాగమిస్తాయి!

నేను సైతం

ప్రపంచాబ్జపు

తెల్ల రేకై పల్లవిస్తాను!

నేను సైతం

విశ్వవీణకు

తంత్రినై మూర్చనలు పోతాను!

నేను సైతం

భువన భవనపు

బావుటానై పైకి లేస్తాను!

శ్రీ శ్రీ –
జూన్ 2, 1933

శ్రీ శ్రీ 'మహా ప్రస్తానం' నుంచి సంగ్రహితం

ప్రకటనలు

వ్యాఖ్యానించండి »

ఇంకా వ్యాఖ్యలు లేవు.

RSS feed for comments on this post. TrackBack URI

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

వర్డ్‌ప్రెస్.కామ్‌లో బ్లాగండి.

%d bloggers like this: